ភ្នំពេញ៖ មន្ត្រីពន្ធនាគារចំនួន ៥រូប ត្រូវបានក្រសួងមហាផ្ទៃលុបឈ្មោះចេញពីក្របខណ្ឌមន្ត្រីពន្ធនាគារក្រសួងមហាផ្ទៃដោយមូលហេតុប្រើប្រាស់សារធាតុញៀន។

មន្ត្រីពន្ធនាគារទាំង ៥រូបនោះរួមមាន លោក ផុន វណ្ណៈ អនុប្រធានការិយាល័យសន្តិសុខពន្ធនាគារនៃមណ្ឌលអប់រំកែប្រែទី១ លោក ហុ សុជាតិ មន្ត្រីនៃមណ្ឌលអប់រំកែប្រែទី លោក តន់ ដារ៉ា មន្ត្រីនៃពន្ធនាគារខេត្តកណ្តាល លោក កេង ស៊ីខុន មន្ត្រីនៃពន្ធនាគារខេត្តកណ្តាល និងលោក ខ្ចៅ សិរីរ័ត្ន មន្ត្រីនៃពន្ធនាគារខេត្តបន្ទាយមានជ័យ។

មន្ត្រីនៅក្រោមឱវាទក្រសួងមហាផ្ទៃជាច្រើន ក៏ត្រូវបានដកចេញពីក្របខណ្ឌជាបន្តបន្ទាប់ផងដែរក្រោមហេតុផលពាក់ព័ន្ធនឹងបទល្មើសគ្រឿងញៀន និងការប្រើប្រាស់គ្រឿងញឿន។ ទន្ទឹមនេះក៏មានមន្ត្រីមួយចំនួនទៀតត្រូវបានដកតំណែង បន្ថយតំណែងផងដែរ ដោយសារល្មើសវិន័យកងកម្លាំងនគរបាលជាតិ៕